Radhë në kufirin me Greqinë, shkak vonesat nga sistemi i ri i kontrollit nga pala greke

Autoritetet greke kanë vënë në zbatim një sistem të ri kontrolli për hyrje-daljet drejt vendeve të Bashkimit Europian. Ky sistem i ri kryen fotografimin e fytyrës dhe marrjen e shenjave të gishtërinjve për çdo udhëtar që kalon kufirin.

Si pasojë e procedurave të reja, gjatë orëve të fundit janë krijuar radhë të në pikën kufitare të Kristapoligjisë, ku qytetarët që udhëtojnë nga Shqipëria drejt Greqisë detyrohen të presin mbi dy orë për të kaluar kufirin.

Burime nga kufiri bëjnë me dije se procesi i verifikimit kërkon më shumë kohë për çdo udhëtar, çka ka sjellë ngadalësim të ndjeshëm të qarkullimit, veçanërisht në oraret me fluks të lartë.

Autoritetet u bëjnë thirrje udhëtarëve të planifikojnë lëvizjet me kujdes dhe të tregojnë durim, ndërsa pritet që situata të normalizohet pas përshtatjes me procedurat e reja të kontrollit.