Trump do të takohet të enjten me udhëheqësen e opozitës venezueliane, Machado

Presidenti i SHBA-së, Donald Trump do të takohet të enjten me udhëheqësen e opozitës venezueliane, Maria Corina Machado. Kështu ka konfirmuar një zyrtar i Shtëpisë së Bardhë.

Takimi vjen disa ditë pas deklaratave të Machado për të ndarë Çmimin Nobel për Paqen me Trump si shenjë mirënjohjeje nga populli venezuelian për arrestimin e presidentit të vendit, Nicolas Maduro.

Instituti Norvegjez i Nobelit u përgjigj se Çmimi Nobel për Paqen nuk mund të transferohet, ndahet ose revokohet, duke cituar statutet e Fondacionit Nobel, të cilat nuk parashikojnë mundësinë e apelimit.

Trump tha se do të ishte i nderuar ta pranonte çmimin nëse Machado do t’ia ofronte atë gjatë takimit të tyre në Uashington javën e ardhshme.

Machado, një ish-anëtare e Asamblesë Kombëtare u ndalua të kandidonte në zgjedhjet presidenciale të Venezuelës në vitin 2024 nga autoritetet pranë Maduros.

Ai mbështeti një kandidat zëvendësues, i cili u pa gjerësisht si fitues i zgjedhjeve, megjithëse Maduro shpalli fitoren, me vëzhgues të pavarur që identifikuan parregullsi në rezultatet zyrtare.