Ministrja e Jashtme Spiropali dekorohet nga  Zelensky

Ministrja e Punëve të Jashtme, Elisa Spiropali, u nderua këtë të enjte me një nga dekoratat më të larta të shtetit ukrainas, “Urdhrin e Princeshë Ollgës”, nga presidenti Volodymyr Zelensky, gjatë vizitës së saj zyrtare në Kiev.

Në fjalën e saj pas ceremonisë, Spiropali u shpreh se ky nder nuk i përket vetëm një personi, por qëndrimit të Shqipërisë dhe të çdo europiani që qëndron pranë lirisë. “Ukraina sot nuk po mbron vetëm tokën e saj, por edhe ndërgjegjen e Europës. Në qytetet e saj të bombarduara dhe në rezistencën e popullit të saj, po vendoset nëse kontinenti ynë do të jetojë në paqe dhe të drejtë, apo nën frikë dhe forcë,” tha ministrja.

Dekorata mban emrin e Princeshës Olga, një figurë historike që udhëhoqi me dinjitet në kohë të vështira. Spiropali e konsideron marrjen e saj “një përgjegjësi morale po aq sa një nder”.

Presidenti Zelensky kishte njoftuar më parë se do ia jepte këtë dekoratë ministres shqiptare, por ceremonia u zhvillua sot zyrtarisht në Kiev.