Orikumi godet në merkato, firmos ish-kapiteni i Flamurtarit

Orikumi vijon të përforcohet në merkato, duke zyrtarizuar afrimin e futbollistit me eksperiencë Bruno Telushi.

Drejtori sportiv i klubit ka njoftuar arritjen e marrëveshjes me mesfushorin e njohur, i cili i bashkohet projektit sportiv të skuadrës.

Ish-kapiten i Flamurtarit dhe Partizanit, Telushi vjen te Orikumi me një karrierë të pasur, duke sjellë eksperiencë, lidership dhe personalitet në fushë. Klubi shpreh bindjen se afrimi i tij do të jetë një vlerë e shtuar për ekipin dhe objektivat e sezonit.

“Drejtori sportiv i klubit ka kënaqësinë të njoftojë arritjen e marrëveshjes me futbollistin Bruno Telushi, një emër i njohur dhe me eksperiencë në futbollin shqiptar. Ish-kapiten i Flamurtarit dhe Partizanit, Telushi vjen me personalitet, lidership dhe cilësi të spikatura në fushë.

I urojmë mirëseardhjen dhe shumë suksese me fanellën tonë, me bindjen se do të jetë një vlerë e shtuar për skuadrën dhe projektin tonë sportiv”, thuhet në njoftimin e klubit në Facebook.