Forcimi i partneritetit strategjik Shqipëri – SHBA, Peleshi takim me zëvendësin e sekretarit të shtetit

Kryetari i Kuvendit, Niko Peleshi, zhvilloi një takim me Michael Rigas, Zëvendësin e Sekretarit të Shtetit të SHBA-ve, ku u diskutua thellimi i marrëdhënieve strategjike mes dy vendeve. Në fokus të bisedës ishin bashkëpunimi në fushën e sigurisë dhe mbrojtjes, forcimi i shtetit të së drejtës, si edhe përpjekjet e përbashkëta për të adresuar krimin e organizuar në rajon.

Peleshi dhe Rigas diskutuan gjithashtu për zgjerimin e marrëdhënieve ekonomike dhe rritjen e investimeve amerikane në sektorët strategjikë të Shqipërisë. Takimi u zhvillua në kuadër të vizitës zyrtare të kryetarit të Kuvendit në Shtetet e Bashkuara, ndërsa një ditë më parë ai mori pjesë në ceremoninë vjetore të mëngjësit të lutjeve, duke theksuar rëndësinë e bashkëpunimit ndërinstitucional dhe forcimin e partneritetit midis parlamentit shqiptar dhe SHBA-ve.