U motivua nga ISIS të planifikonte një sulm në shkollë, ndalohet 18-vjeçari në Poloni
Policia polake ka ndaluar një 18-vjeçar për përgatitjen e një sulmi në shkollë dhe për motivimin nga mbështetja e tij për Shtetin Islamik, tha të mërkurën zëdhënësi i shërbimeve speciale Jacek Dobrzynski.
Sipas tij, Polonia nuk ka pësuar asnjë sulm të lidhur me Shtetin Islamik dhe thekson se autoritetet polake janë në gatishmëri pas një rritjeje të përpjekjeve për sabotim, përfshirë në hekurudhë, që nga pushtimi i Ukrainës nga Rusia në vitin 2022.
“Zyra e Prokurorit e akuzon djalin për nxitje publike të dhunës dhe urrejtjes për shkak të dallimeve kombëtare dhe fetare nëpërmjet internetit, si dhe për përgatitje të një sulmi”, shkroi Dobrzynski në X.
Ai tha se një hetim zbuloi se djali kishte “mbledhur informacione mbi armët, eksplozivët, substancat ndezëse dhe toksike, modelet e bombave, metodat e funksionimit dhe pajisjes, si dhe metodat e krijimit, vendosjes dhe shpërthimit të ngarkesave shpërthyese, si dhe teknikat për kryerjen e sulmeve”.
Dobrzynski shtoi gjithashtu se shënimet e djalit tregonin se ai kishte planifikuar një sulm ndaj një shkolle në rajonin juglindor të Podkarpackie. Sakaq, nëse djali shpallet fajtor, ai përballet me deri në 18 vjet burg, tha Dobrzynski.
Kujtojmë që, në dhjetor, Polonia arrestoi një student 19-vjeçar të dyshuar për përpjekje për të vendosur kontakte me Shtetin Islamik dhe u akuzua për përgatitjen e një sulmi në një treg Krishtlindjesh që mund të kishte shkaktuar viktima masive.
Pasi u shfaq në Irak dhe Siri, Shteti Islamik krijoi shpejt një “kalifat” dhe në kulmin e fuqisë së tij nga viti 2014 deri në vitin 2017, ai mbajti nën kontroll pjesë të të dy vendeve, duke sunduar mbi miliona njerëz.
I moshuari dhunon gruan në Pogradec, vihet në pranga. 69-vjeçarja në gjendje të rëndë niset drejt spitalit të Traumës
Kaos në parlamentin e Gjeorgjisë, deputetët përplasen fizikisht me njëri-tjetrin (VIDEO)
Goditen dy raste të kultivimit të kanabisit në Shkodër, arrestohen dy persona! Ndiqet penalisht kryeplaku i Vuklit
- 15:18 Plagosja e 35-vjeçarit në Pogradec, dërgohet me helikopter drejt Spitalit të Traumës. Si paraqitet gjendja e tij
- 15:13 Ministri Nufi vizitë në Athinë, pritet nga Dendias. Në fokus forcimi i bashkëpunimit dypalësh në mbrojtje
- 14:49 Finlanda hapi rrugën për mbajtjen e armëve bërthamore, Moska: Kërcënim real, do të marrim masa
- 14:40 Andon Lapa Hotel & Spa – Elegancë, komoditet dhe mikpritje në zemër të Sarandës
- 14:26 Të shtëna me armë në veri të Gjermanisë, vriten pesë persona! Arrestohet autori i dyshuar
- 14:17 Plagosi me armë zjarri 35-vjeçarin në Pogradec dhe u largua, kapet autori