Eden Hazard: Nga futbolli te familja dhe verërat e shtrenjta

Ish-mesfushori belg Eden Hazard, që i varri këpucët në tetor 2023 pas karrierës së lavdishme te Chelsea dhe Real Madrid, ka gjetur ritmin e ri të jetës në Madrid, jo për futboll, por për familjen, fëmijët, motin dhe ushqimin.

Në një intervistë për The Guardian, 35-vjeçari tregon se tani ndihet më shumë si shofer taksie sesa futbollist, duke qeshur me realitetin e tij të ri. Ai shpreh dëshirën për të ndihmuar fëmijët të jenë aktivë: “Rregulli im numër një do të ishte t’i nxirrja jashtë për të luajtur futboll dhe për ta shijuar me miqtë e tyre.”

Hazard gjithashtu po ndjek pasionin për verën, duke bashkëpunuar me yje si Ronaldinho, Andriy Shevchenko, Iván Zamorano dhe Gianluigi Buffon për të krijuar shishet e tyre karakteristike. Ai e përshkruan verën e tij si “elegante, njësoj si unë.”

I pyetur për trashëgiminë e tij, Hazard refuzon të konsiderohet legjendë: “Vetëm si një lojtar i mirë dhe një djalë i mirë dhe argëtues. Nuk kam nevojë për asgjë më shumë.” Ai imagjinon të ardhmen si gjysh i lumtur, rrethuar nga fëmijët dhe shishja e tij e verës.