“U mor me shtatzëninë e Griseldës”, Manjani: I kam hequr vizën Parlamentit Europian

Juristi Ylli Manjani komentoi në emisionin Now në Euronews Albania vizitën e delegacionit të Parlamentit Evropian sot në Tiranë, të kryesuar nga përfaqësuesi kryesor i Delegacionit të David McAllister dhe deklaratat e tij sa i përket klasës politike dhe drejtësisë në vend.

Manjani u shpreh se për të Parlamenti Evropian dhe eurodeputetët nuk kanë asnjë rol, ndërsa i cilësoi koorrekte dhe jo të jashtëzakonshme deklaratat e McAllister.

‘Së pari personalisht e kam hequr mendjen nga Parlamenti Evropian që ditën kur është marrë në seancë plenare me shtatzëninë e Griseldës, është momenti kur ja kam hequr vizën, s’ka asnjë lloj funksioni, janë ca njerëz pa punë që marrin rroga të mira. Që ditën kur ai parlament është marrë me shtatzëninë false të Griseldës ja kam hequr vizën. Kjo është arsyeja pse eurodeputetët nuk i dëgjoj me vëmendje. I dëgjova deklaratat e McAllister, m’u dukën korrekte, nuk m’u dukën të ekzagjeruara siç ka pritshmëri opinioni publik, nuk ka ndonjë gjë të jashtëzakonshme’, tha Manjani.