Bien infektimet me grip, ISHP: Në janar është regjistruar një viktimë

Piku i infektimeve me grip ka kaluar, por ekspertët apelojnë që të mos neglizhohen masat mbrojtëse, pasi viruset janë ende në qarkullim dhe mund të jenë fatal. ISHP ka konfirmuar se në fillim të janarit është regjistruar edhe viktima e parë e gripit.

 “Raste të rënda ka patur, por fatalitet kemi patur vetëm një rast i cili ka qenë me probleme të theksuara kronike kështu që raste të tjera nuk kemi patur”, tha Artan Simaku, Specialisti i ISHP.

Edhe pse kurba e infektimeve ka rënë me shpejt nga vitet e shkuara sërish ka pacientë që kanë nevojë për kujdes mjekësor dhe shtrim në spital.

Ekspertët thonë se ende nuk ka vend për relaksim, pasi në qarkullim kemi virusin e gripit të tipit A, Covid 19 dhe virusin RSV. Ata rekomandojnë ende vaksinimin kundër gripit për grupet e riskut si e vetmja mënyrë për t’i mbrojtur nga format e rënda dhe fatalitetet.