Në kërkim nga Spanja për drogë, arrestohet 53-vjeçari nga Vlora

Një 53-vjeçar është arrestuar nga policia e Elbasanit, pasi ishte shpallur në kërkim nga autoritetet spanjolle për trafik droge.

Në kuadër të operacioni të koduar Alert u vu në pranga shtetasi Juli Bulla, banues në Vlorë.

“Për këtë shtetas, Gjykata Juzgado Central de Instrucción n.º 1 – Audiencia Nacional ka caktuar masën e sigurisë “Arrest me burg”, për veprat penale “Trafik i lëndëve narkotike”, “Organizatë kriminale” dhe “Vjedhje e energjisë elektrike”, të parashikuara nga Kodi Penal i Spanjës”, bëri me dije policia.

Për këto vepra penale, Kodi Penal i Spanjës parashikon dënim maksimal deri në 9 vite burgim.

Interpol Tirana do të kryejë procedurat, në bashkëpunim me homologët në Spanjë, për ekstradimin e këtij shtetasi drejt Spanjës.