Një ditë pas mbledhjes së kryesisë së PS, Rama mbledh në selinë rozë deputetet e qarkut të Tiranës

Burime për gazetaren e Euronews Albania, Eksiola Shehu bëjnë me dije se kryeministri Edi Rama këtë të mërkurë do të mbledhë në selinë rozë deputetet e qarkut të Tiranës.

Mbledhja sipas burimeve do të nisë në orën 14:00. Mbledhja e deputetëve të qarkut të Tiranës vjen një ditë pasi Rama zhvilloi një takim me kryesinë e PS-së.

Në mbledhje do bashkohen dhe drejtuesit e Bashkisë Tiranë dhe drejtuesit e njësive Administrative.

Mbledhja e kryesisë së Partia Socialiste zgjati vetëm 30 minuta. Rama u largua duke bashkebiseduar me kryetarin e Bashkisë së Shkodër, Benet Beci.

Gjatë mbledhjes u diskutua për komunikimin me strukturat e partisë. Rama ka kërkuar që të dalin në terren dhe të takohen me qytetarët.