Zelensky mbërrin në Paris, në përpjekje për të ndalur luftën në Ukrainë dhe rritjen e presionit ndaj Rusisë

Presidenti ukrainas Volodymyr Zelensky mbërriti në Paris këtë të premte, për bisedime me Presidentin Emmanuel Macron mbi mënyrat për të rritur presionin ndaj Rusisë.

“Presidenti është tashmë në Paris”, tha zëdhënësi i Zelensky-t, Sergiy Nykyforov. Vizita vjen ndërsa bisedimet e ndërmjetësuara nga Shtetet e Bashkuara për t’i dhënë fund pushtimit katërvjeçar janë penguar nga lufta SHBA-Izrael me Iranin .

Bisedimet midis Macron dhe Zelensky do të përqendrohen në rritjen e presionit të sanksioneve ndaj Rusisë duke synuar “flotën e saj në hije” të cisternave të përdorura për transportin e naftës në shkelje të sanksioneve të vendosura gjatë pushtimit të Ukrainës në vitin 2022 , tha presidenca franceze.

Zelensky dhe Macron pritet gjithashtu të diskutojnë përpjekjet diplomatike për të ndaluar luftën në Ukrainë, tha zyra e Macron.

Kremlini tha se takimi i planifikuar do të pengonte procesin e paqes dhe se “vetë ideja e përpjekjes për të ushtruar presion mbi Rusinë është absurde”.

Presidenti i SHBA-së, Donald Trump, tha të hënën se do të hiqte dorë nga “disa sanksione të lidhura me naftën”. Ai nuk e përmendi në mënyrë të qartë Rusinë, megjithëse komenti pasoi një telefonatë me Presidentin rus Vladimir Putin .