Pogradec, mbahen zgjedhjet për kreun e ri të degës së PD

Rreth 1000 anëtarë të Partisë Demokratike të degës së Pogradecit do t’i drejtohen këtë të diel kutive të votimit për të zgjedhur drejtuesin e ri të kësaj dege. Dy emra janë në garë ai i Kasem Gallës ndër anëtarët e vjetër dhe ndër themeluesit e degës së PD i cili e ka mbajtur më herët drejtimin e kësaj dege dhe rikandidon sërish për të marrë drejtimi ne saj.

Oligert Muçllari me profesion financier i ardhur më herët nga radhët e FRPD dhe që aktualisht është kryetar i komanduar i degës dhe që synon të marrë tashmë një mandat të plotë për të vijuar drejtimin e PD Pogradec e për ta udhëhequr më pas në zgjedhjet lokale të 2017-ës.

Sipas të dhënave anëtarët që kanë emrin në lista do të mund të votojnë përmes kartës ID, ndërsa ata që nuk kanë emrin në listë për arsye të ndryshme mund të votojnë përmes kartës së anëtarësisë në PD.

Zgjedhja për kryetarin e degës pritet të nisë si proces në orën 8:00 të paradites deri në orën 17:00

Në zgjedhjet e fundit që janë zhvilluar për kryetar të kësaj dege kanë marrë pjesë rreth 800 anëtarë ose 80% e tyre.