Shiste lëndë narkotike të ndara në doza, arrestohet 37-vjeçari në Tiranë (EMRI)

Një 37-vjeçar ka rënë në pranga këtë të mërkurë nga Policia e Tiranës, pasi shiste lëndë narkotike kokainë dhe heroinë.

Në kuadër të operacionit të koduar “Flash”, në pranga ka rënë shtetasi Spartak Alushi 37 vjeç, banues në Tiranë. Në vijim të këtij operacioni, policia ka sekuestruar në cilësinë e provës materiale, sasi të lëndëve narkotike heroinë dhe kokainë, të ndara në doza, gati për shitje

“Seksioni për Hetimin e Narkotikëve, bazuar dhe në informacionet e siguruara në rrugë operative, për një rast të shitjes së lëndëve narkotike, ka organizuar dhe finalizuar në bashkëpunim me shërbimet e Forcës së Posaçme “Shqiponja”, operacionin policor të koduar “Flash”.

Gjatë operacionit, u kap në flagrancë në Rrugën e Dibrës dhe u arrestua shtetasi:

-S. A., 37 vjeç, banues në Tiranë. 

Gatë kontrollit, shërbimet e Policisë i gjetën shtetasit S. A., sasi të lëndëve të dyshuara narkotike Kokainë dhe Heroinë, të ndara në doza, gati për shitje.

Ky shtetas dyshohet se siguronte lëndë narkotike dhe i ndante në doza, të cilat i shiste në zona të ndryshme, kryesisht në Rrugën e Dibrës. Vijojnë hetimet për dokumentimin e kësaj veprimtarie kriminale”, thuhet në njoftimin e policisë.

 Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.