PD deklaroi se deputetët e saj u përjashtuan nga delagacioni në Gjermani, reagon Kuvendi për Euronews Albania

Reagimi i Kuvendit, pas interesimit të gazetares Eksiola Shehu për Euronews Albania lidhur me deklaratën e grupit parlamentar të Partisë Demokratike për përjashtimin e deputetëve nga delegacioni në Gjermani, thekson se në përbërje të delegacionit të Kryetarit të Kuvendit marrin pjesë edhe dy deputetë nga opozita, në përputhje me praktikën e ndjekur në çdo delegacion zyrtar.

Sa i përket përfaqësuesve të Partisë Demokratike, bëhet me dije se Kryetari i Kuvendit ka miratuar, sipas kërkesës së tyre, një agjendë që parashikon zhvillimin e takimeve në të njëjtën ditë në Bundestag, përfshirë edhe angazhime me komisionet parlamentare përkatëse.