Pesë të plagosur në Abu Dhabi pas interceptimit të një rakete balistike
Pesë persona u plagosën pasi mbrojtja ajrore shkatërroi një rakete balistike mbi Abu Dhabi, në Emiratet e Bashkuara Arabe. Sipas Zyrës së Medias në Abu Dhabi, të lënduarit janë shtetas indianë, të cilët pësuan dëmtime nga mbeturinat që binin pranë Zonës Ekonomike Khalifa të Abu Dhabit (KEZAD). Lëndimet variojnë nga të lehta deri në të moderuara.
Zyra e Medias bëri thirrje që publiku të marrë informacion vetëm nga burime zyrtare dhe të shmangë përhapjen e thashethemeve ose informacionit të paverifikuar. Më herët gjatë ditës, autoritetet raportuan se po i përgjigjeshin dy incidenteve me zjarr në të njëjtën zonë, pas interceptimit të raketës.
Ndërkohë, raportime nga rajoni tregojnë edhe incidente të tjera.
Agjencia shtetërore e lajmeve e Omanit, ONA, tha se dy dronë goditën portin e Salalahut, duke lënduar një punëtor të huaj dhe shkaktuar dëme të vogla në një vinç.
Agjencia irakiane e lajmeve pro-militante, Sabereen, raportoi sulme të kryera nga Rezistenca Islamike në Irak në disa baza ajrore dhe aeroport në Jordani, përfshirë Bazën Ajrore Mbreti Faisal, Bazën Ajrore Mbreti Abdullah, Aeroportin Mbretëresha Alia dhe të tjera. Nuk raportohet ende për viktima ose dëme të mëdha.
Humbje diplomatike për Gjermaninë në OKB, Berlini ngre dyshime për ndikimin rus
SHBA njofton armëpushim të ri mes Izraelit dhe Libanit, kusht ndalimi i sulmeve të Hezbollahut
Tajani: Është SHBA-ja ajo që “duhet ta ndalojë Izraelin” për paqen në LM
- 08:17 Rubio: Anëtarësimi i Kosovës në NATO tani nuk është në krye të agjendës së aleatëve
- 08:13 Vritet një polic gjatë një operacioni në Maliq, plagoset një tjetër
- 07:56 Rama publikon pamje me mbeturina nga Zvërneci: Kjo është parajsa që duan të mbetet e paprekur
- 07:40 Humbje diplomatike për Gjermaninë në OKB, Berlini ngre dyshime për ndikimin rus
- 07:18 SHBA njofton armëpushim të ri mes Izraelit dhe Libanit, kusht ndalimi i sulmeve të Hezbollahut
- 23:16 Mot i keq në Shkodër, autoritetet apel qytetarëve: Shmangni zonat me risk