Negociatat me BE-në, Zaev vizitë zyrtare në Bullgari

Kryeministri i Maqedonisë së Veriut, Zoran Zaev po zhvillon një vizitë zyrtare në Sofje, në tentativë për të zhbllokuar procesin integrues të Shkupit.

Zaev takoi sot ish-kryeministrin Bojko Borisov dhe kryeministrin e qeverisë teknike Stefan Janev, ndërsa pasdite do të takojë edhe presidentin Rumen Radev.

Gazetari i Euronews Albania ,Benjamin Arifi raportoi se z. Zaev ka shkuar në Bullgari me propozime konkrete që kanë të bëjnë me lënien e çështjeve bilaterale për një afat më të gjatë dhe ndarjen e tyre nga procesi integrues i Maqedonisë së Veriut.

Gazetari shtoi se vihet re edhe një ndarje dhe një debat i brendshëm mes politikanëve bullgarë sa i përket çështjes së Maqedonisë së Veriut.

Shkupi zyrtar shpreson që të arrijë marrëveshje në prag të samitit të BE-së që pritet të zhvillohet javën e ardhshme, kur duhet të merret vendimi për konferencën ndërqeveritare të BE-së me Maqedoninë e Veriut dhe Shqipërinë.

LEXONI GJTIHASHTU:

Bullgaria s’ndryshon qëndrim në lidhje me hapjen e negociatave për Maqedoninë e Veriut

Zgjedhjet në Bullgari, koalicioni ‘Bullgaria Demokratike’ kërkon vende në Parlament