I dënuar në Lezhë, ndërron jetë 68-vjeçari në QSUT

Një i dënuar ka ndërruar jetë në orët e para të mëngjesit në Qendra Spitalore Universitare “Nënë Tereza”, ku po trajtohej në Reanimacionin Qendror. Hajri Ramazan Robi, ka humbur jetën rreth orës 05:00 si pasojë e një arresti kardio-respirator.

Sipas të dhënave zyrtare, 68-vjeçari, lindur dhe banues në Durrës, ishte arrestuar më 12 mars 2026 për veprën penale “dhunë në familje” dhe ishte dërguar në IEVP Lezhë më 14 mars, në zbatim të një vendimi të Gjykata e Shkallës së Parë e Juridiksionit të Përgjithshëm Durrës.

Më 30 mars, ai u transferua në Qendra Spitalore e Burgjeve për trajtim mjekësor, ndërsa më 2 prill u dërgua me urgjencë në Reanimacionin Qendror në QSUT. Mjekët raportuan se ai vuante nga disa probleme shëndetësore, përfshirë hipertension arterial, diabet mellitus dhe një frakturë subtrokanterike të majtë.

Janë zbatuar të gjitha procedurat e përcaktuara ligjore për këtë rast, duke u njoftuar Shërbimi i Kontrollit të Brendshëm të Burgjeve, Prokuroria, Komisariati i Policisë, si dhe familjarët.