Qëlloi me armë zjarri një person dhe u largua, arrestohet 27-vjeçari në Fier

Specialistët për Hetimin e Krimeve të Rënda në Fier arrestuan shtetasin K. B., i shpallur në kërkim për veprat penale “Vrasje me dashje” e mbetur në tentativë dhe “Armëmbajtje pa leje”.

Hetimet zbuluan se më 5 janar 2025, K. B. ka qëlluar me armë zjarri shtetasin G. H. për motive të dobëta dhe më pas është larguar nga vendi i ngjarjes.

Gjykata ka vendosur masën e sigurisë “Arrest me burg” për veprat penale “Vrasje me dashje” e mbetur në tentativë dhe “Prodhimi dhe mbajtja pa leje e armëve, armëve shpërthyese dhe i municionit”.

Shtetasi K. B. u ndalua nga shërbimet e Policia Kufitare në Kakavijë dhe ndodhet nën mbikëqyrje të autoriteteve ligjzbatuese për veprime të mëtejshme.