U emërua pas arratisjes së Altin Ndocit, ndahet nga jeta drejtori i burgut të Durrësit

Drejtori i Institucionit të Ekzekutimit të Vendimeve Penale në Durrës, Edmond Llabani, ka ndërruar jetë. Ai mori detyrën në këtë institucion pas arratisjes së Altin Ndocit, duke marrë drejtimin e burgut në një moment të ndjeshëm për sigurinë.

Më parë, Llabani ka drejtuar edhe burgun e Peqinit.

Në janar të këtij viti, pak kohë pas marrjes së detyrës në Durrës, ai pësoi një hemorragji cerebrale, që rëndoi ndjeshëm gjendjen e tij shëndetësore. Pavarësisht përpjekjeve mjekësore, ai nuk arriti të mbijetojë.