“Plumbi i artë”, zhvillohet ballafaqimi në GJKKO mes Nuredin Dumanit dhe Erion Alibejt

Në ambientet e Gjykatës së Posaçme kundër Korrupsionit dhe Krimit të Organizuar, GJKKO, po zhvillohet aktualisht ballafaqimi kokë më kokë mes dy bashkëpunëtorëve të drejtësisë, Nuredin Dumani dhe Erion Alibej, në kuadër të dosjes “Plumbi i artë”.

Përballja lidhet me vrasjen e Bujar Çelës në Bradashesh, vëllai i Talo Çelës.

Gjatë seancës që është në vijim, të dy të penduarit kanë konfirmuar qëndrimet e tyre, duke i qëndruar deklarimeve të mëparshme.

“Unë i qëndroj plotësisht deklarimeve që kam dhënë,” është shprehur Nuredin Dumani.

Ndërsa Erjon Alibej ka deklaruar: Po i qëndroj deklarimeve.

Seanca e ballafaqimit pritet të jetë vendimtare për sqarimin e rrethanave të ngjarjes dhe për vlerësimin e dëshmive në një nga çështjet më të rëndësishme të drejtësisë shqiptare.