Ish-deputeti Çyrbja kundërshton vendimin e shkallës së parë: Nuk provohet akuza

Në seancën e kësaj të premte në Apelin e Posaçëm Antikorrupsion, ish-deputeti socialist Jurgis Çyrbja, përmes avokatëve mbrojtës, ka pretenduar se vendimi i shkallës së parë është i paarsyetuar, nuk provohet vepra penale e nxjerrjes së sekretit shtetëror, si dhe nuk qëndron akuza e korrupsionit aktiv dhe pasiv në zgjedhje.

Avokati mbrojtës i Çyrbes kërkoi prishjen e vendimit të shkallës së parë dhe rikthimin për gjykim të çështjes. Ndërsa Ahmet Masha dhe Altin Hajri, i cili prej disa vitesh ndodhet në kërkim, kërkuan pafajësi.

SPAK i qëndroi kërkesës për lënien në fuqi të vendimit të dhënë nga GJKKO.

Jurgis Çyrbja akuzohet për “tregim i sekretit shtetëror nga shtetasit”, “korrupsion aktiv në zgjedhje” dhe “përkrahje e autorit të krimit” ndërsa vendimi i Apelit do të shpallet me 24 prill.