Detaje nga operacioni i SPAK, mes urdhërarresteve dhe Jetmir Pepa

SPAK ka ndërmarrë një operacion të gjerë në luftën kundër krimit të organizuar dhe trafikut të lëndëve narkotike, duke lëshuar gjithsej 11 masa sigurie për persona të dyshuar si pjesë e një rrjeti kriminal.

Mes personave për të cilët është lëshuar urdhërarrest rezulton edhe Jetmir Pepa. Sipas burimeve paraprake, disa nga të dyshuarit janë vënë në pranga, ndërsa të tjerë janë shpallur në kërkim dhe po punohet për kapjen e tyre.

Operacioni dyshohet se lidhet me një hetim të mëparshëm të drejtuar nga prokurori Alfred Shehu, megjithatë deri në këtë fazë nuk janë bërë publike detaje të plota mbi rolin konkret të secilit të përfshirë apo mbi shtrirjen e aktivitetit kriminal.

Autoritetet kanë bërë me dije se operacioni është ende në zhvillim dhe pritet që në orët në vijim të ketë më shumë informacion zyrtar, përfshirë sqarime mbi akuzat dhe provat e mbledhura.