EMRI/ Aksident i rëndë në Kombinat, drejtuesi i motorit vdes pasi u përplas nga kamioni

Një aksident i rëndë është regjistruar mesditën e kësaj të premte në zonën e Kombinatit në kryeqytet, ku një 61-vjeçar i cili po lëvizte me motor ka humbur jetën pasi është përplasur nga një kamion.

Sipas informacioneve paraprake, ngjarja ka ndodhur pranë Komisariatit Nr.6 kur një kamion ka goditur motorin me të cilin po lëvizte viktima, në rrethana ende të paqarta. Si pasojë e përplasjes, drejtuesi i motorit 61-vjeçari Ylmi Dedja, ka ndërruar jetë në vendngjarje.

Në vendin e aksidentit kanë mbërritur forcat e policisë dhe grupi hetimor, të cilët po punojnë për zbardhjen e plotë të dinamikës së aksidentit dhe përcaktimin e shkaqeve që çuan në përplasjen fatale.