Gol kundër “klubit të tij”, Muçi i jep fitoren Trabzonsporit ndaj Besiktas
Sulmuesi i Kombëtares, Ernest Muçi, ishte protagonist në fitoren 2-1 të Trabzonspor në transfertë ndaj Beşiktas, në javën e 33-të të Superligës turke të futbollit.
Në një përballje të veçantë për të, pasi luante ndaj klubit që i zotëron kartonin, Muçi vendosi ndeshjen në minutën e 62-të teksa shfrytëzoi një top në krahun e majtë dhe realizoi me një goditje elegante, duke i dhënë fitoren skuadrës së tij.
Takimi nisi më mirë për vendasit të cilët kaluan në avantazh në minutën e 14-të me golin e Orkun Kokçu nga pika e penalltisë. Trabzonspor reagoi menjëherë, me Oleksandr Zubkov që barazoi shifrat vetëm pak sekonda më pas, duke e çuar rezultatin në 1-1.
Pas pushimit, ndeshja u vendos nga Muçi, goli të cilit i siguroi tri pikë të rëndësishme ekipit të tij. Ai u zëvendësua në minutën e 77-të, pak minuta pasi ishte ndëshkuar me karton të verdhë dhe nuk do të aktivizohet në ndeshjen e radhës.
Muçi fitoi edhe “duelin shqiptar” përballë Kristjan Asllani, ndërsa Milot Rashica mungoi për Beşiktaş për shkak të gjendjes gripale ndërsa me këtë gol, ai arriti të numëronte 14 finalizime në këtë sezon.
Presidenti Begaj reagon për vrasjen e efektivit në Korçë: Policia nuk do të zbrapset
Policia del me njoftim zyrtar: Si u vra efektivi dhe u plagos kolegu i tij, detajet nga operacioni
Vrasja e policit në Korçë, kush është autori dhe si hapi zjarr ndaj efektivëve pasi i pikasi
- 11:22 Efektivi tek Trauma, niset dhe autori me ambulancë, si paraqitet gjendja e dy të plagosurve
- 11:15 Vrasja e efektivit në Maliq, Hita: Ditë e trishtë për Policinë e Shtetit, nuk do doja të isha para jush
- 11:10 Berisha, Ramës: Anulo mitingun e Vlorës
- 10:55 Mbërrin me helikopter te Trauma efektivi i plagosur gjatë operacionit në Maliq
- 10:53 Zbulohet një kompleks termal romak në Lushnje
- 10:45 Autori ish-ushtarak bënte qitje në pyll, pamje nga vendi ku u vra polici në Maliq (VIDEO)