Zbulohet një call center në Tiranë, arrestohen 4 persona. Procedohen 49 punonjësit
Një call center është zbuluar nga policia në bulevardin “Gjergj Fishta” në Tiranë, ku kryhej mashtrim kompjuterik. Lidhur me këtë operacion janë arrestuar 4 persona.
Policia njofton se të arrestuarit janë organizatorë dhe drejtues të kësaj veprimtarie. Gjithashtu janë proceduar 49 punonjës, të cilët që u kapën në flagrancë në ambientet e call center-it. Policia ka sekuestruar 94 kompjuterë, 11 celularë, 2 iPad dhe materiale të tjera me interes hetimor.
“DVP Tiranë/Finalizohet operacioni i koduar “Hold on”. Zbulohet një call center në bulevardin “Gjergj Fishta”, ku kryhej mashtrim kompjuterik.
Arrestohen në flagrancë 4 organizatorë dhe drejtues të kësaj veprimtarie. Procedohen penalisht 49 punonjës, të cilët që u kapën në flagrancë, në këtë ambient.
Sekuestrohen 107 pajisje nëpërmjet të cilave kryhej mashtrimi, si dhe materiale të tjera që do t’i shërbejnë hetimit.
Si rezultat i ndërhyrjes së menjëhershme, pas informacioneve të siguruara në rrugë operative, se kati i dytë i një objekti në bulevardin “Gjergj Fishta”, ishte call center ku kryhej mashtrim kompjuterik, specialistët e Sektorit për Hetimin e Krimeve Ekonomiko-Financiare, në bashkëpunim me specialistët e Sektorit për Hetimin e Krimeve Kibernetike të DVP Tiranë, finalizuan në drejtimin e Prokurorisë, operacionin e koduar “Hold on”.
Në kuadër të operacionit u arrestuan në flagrancë shtetasit E. K., 28 vjeç, A. J., 21 vjeç, E. D., 21 vjeç dhe M. M., 19 vjeç, të cilët dyshohet se administronin këtë veprimtari dhe/ose drejtonin grupet e punonjësve.
Gjithashtu, në ambientet e objektit, u kapën në flagrancë, gjatë punës, 49 shtetas, për të cilët nisi procedimi në gjendje të lirë.
Me cilësinë e provës materiale u sekuestruan nga ambienti i përshtatur me dhjetëra poste pune, 94 kompjuterë, 11 celularë, 2 iPad dhe materiale të tjera me interes hetimor. Materialet procedurale iu referuan Prokurorisë së Tiranës, për veprime të mëtejshme”, njofton policia.
Replika në Kuvend. Zhupa: Realiteti kërkon dorëheqjen e Ramës, Balla: Fjalim i një flamingo nga Temu
Gjirokastër, arrestohet pronari i pishinës ku humbi jetën 15-vjeçari
Princ Leka dhe bashkëshortja e tij shtatzënë i bashkohen marshimit në Tiranë
- 11:07 Suedia tërhiqet nga plani për të ulur moshën e përgjegjësisë penale në 13 vjeç
- 11:01 22 të vdekur nga rrëzimi i një helikopteri ushtarak në Pakistan
- 11:01 I hiqet non grata? Berisha: Unë erdha, u krye
- 10:49 Kupa e Botës 2026, raporti: Ngjarja më e madhe e basteve në histori
- 10:43 Replika në Kuvend. Zhupa: Realiteti kërkon dorëheqjen e Ramës, Balla: Fjalim i një flamingo nga Temu
- 10:33 Pakistani thirrje SHBA-së dhe Iranit: Respektoni armëpushimin, zgjeroni hapësirën për diplomaci