I hiqet non grata? Berisha: Unë erdha, u krye

Kreu i Grupit Parlamentar të PS-së, Taulant Balla gjatë fjalës së tij në Kuvend komentoj lajmet se kreut të PD-së Sali Berisha i është hequr non-grata. Balla iu drejtua se janë bërë si telefon i prishur. Sa i përket non-gratës, ai tha se do ta komentojë kur SHBA të të ketë njoftim zyrtar.

“Po na thuhet këtu se protesta e ka rritur suksesin e parë dhe eshte hequr non grata. Zotrote ndryshove edhe sloganin se ta kan dhënë të drejtën ty protestuesit t’iu ndryshosh sloganin. Madje thua se protestuesit sonte nuk do të bërtasin “Berisha në Burg” po “Berisha në Uashinton”.

Jeni bërë si telefon i prish. Ndoshta audio e telefonit të ndonje kolegu apo kolegeje nuk ka qenë mirë. Dëgjo, e vlerësoj unë ca them. 7 031 C me të cilën është shpall Berisha non grata, në vlerësimin tim është pak e vështirë të hiqet megjithatë do ta komentoj sapo nga Shteter e Bashkuara të ketë njoftim zyrtar. Nuk komentoj biseda telefonike se nuk është inistitucionale” tha ai ndër të tjera.

Kreu i Partisë Demokratike, Sali Berisha jashtë Kuvendit ka folur për gazetarët ku është pyetur lidhur me lajmet që po qarkullojnë se i është hequr “non-grata”. Berisha u shpreh se ai nuk ka qenë kurrë non-grata por thjeshtë ka patur një sanksion për vizën.

‘Kurrë non grata. Sali Berisha nuk ka qenë kurrë non-grata. Ka patur një sanksion vizën. Kundërshtarët e mi e quajtën non grata por as un e nuk e kundërshtova. Ka qene një ndalim hyrjeje për aryset që thua ti në Shtetet e Bashkuara. Sot u them u ktheva”, tha ai.

Berisha mori fjalën një moment në foltore dhe tha: “Unë erdha, u krye.” Kjo u prit me duartrokitje nga deputetët demokratë.

Deri më tani nuk ka një konfirmim zyrtar nga Departamenti Amerikan i Shtetit apo nga Ambasada e Shteteve të Bashkuara në Tiranë lidhur me pretendimin e bërë nga Berisha.