Kaos në rrjetet sociale, përdoruesit e Facebook, Messenger dhe Instagram kanë probleme
Faqja e Facebook ka pësuar një ndërprerje të funksionimit, ndërsa raportime nga vende të ndryshme tregojnë se serverët e kompanisë Meta po përballen me probleme në shkallë globale.
Defekti ka shkaktuar ndërprerje në Facebook Messenger, si edhe në aplikacionin dhe faqen kryesore të Facebook. Ndërkohë, shërbime të tjera të Meta-s, si Instagram dhe ËhatsApp, kanë vijuar të funksionojnë në pjesën më të madhe të rasteve, megjithëse janë raportuar probleme sporadike edhe në disa produkte të lidhura me Instagramin.
Shumë përdorues janë nxjerrë automatikisht nga llogaritë e tyre dhe nuk kanë mundur të identifikohen sërish. Në ekran është shfaqur një mesazh gabimi që njofton se “ndodhi një gabim i papritur”.
Edhe faqja zyrtare e Facebook ka shfaqur mesazhe të ngjashme. Vizitorët janë njoftuar se “diçka shkoi keq”, ndërsa kompania ka bërë të ditur se ekipet teknike po punojnë për zgjidhjen e problemit dhe rikthimin e shërbimit sa më shpejt të jetë e mundur.
Deri më tani, Meta nuk ka dhënë detaje mbi shkakun e ndërprerjes, ndërsa përdoruesit në mbarë botën vijojnë të raportojnë vështirësi në aksesimin e platformës, raportohet në mediat e huaja.
El Niño ka nisur zyrtarisht, OBSH publikon plan të ri kundër vapës ekstreme
Inteligjenca artificiale kthehet në “asistent blerjesh” online
Kina akuzon agjenci të huaja për përdorim të kafshëve detare si mjete spiunazhi
- 19:05 Me pankartë në dorë, gruaja ndalohet të hyjë në aktivitetin e Ramës (VIDEO)
- 18:47 Rama veçon Fatos Nanon: Mbetet për mua vlerësim i veçantë! Nuk pretendoj se i nuk i kam hyrë kujt në hak
- 18:45 Protestuesit marshojnë në bulevard dhe ndalen para Kryeministrisë
- 18:35 Rama nga 35-vjetori PS-së kujton Konicën: Bëj durim, sepse shqiptari e ka zakon që kundërshton pa marrë vesh
- 18:20 Nis festa e 35-vjetorit të PS-së, Rama nis fjalimin
- 18:15 NATO projekton tërheqjen graduale të trupave nga Kosova