Studimi i Oxford, përzierja e vaksinave Pfizer me Astrazeneca bën që imuniteti të përgjigjet më mirë

Një përzierje e vaksinës Pfizer dhe AstraZeneca mund të prodhojë një përgjigje më të mirë nga ana e imunitetit sesa dhënia e një doze tjetër të AstraZeneca, në këtë përfundim ka arritur një studim i Oksfordit.

Studimi, i quajtur Com-COV, krahasoi përzierjen me dy doza të vaksinave Pfizer dhe AstraZeneca dhe zbuloi se në çdo kombinim, ato prodhonin përqendrime të larta të antitrupave kundër proteinave të coronavirusit.

Të dhënat sigurojnë mbështetje për vendimin e disa vendeve evropiane që kanë filluar të ofrojnë alternativa ndaj AstraZeneca, si një dozë e dytë pasi vaksina ishte e lidhur me mpiksjen e rrallë të gjakut.

Matthew Snape, profesori i Oksfordit i cili është marrë me ketë testim, tha se gjetjet mund të përdoren për t’i dhënë fleksibilitet përdorimit të vaksinave, por nuk ishte aq i madh sa të rekomandonte një largim më të gjerë nga dozat e dyta të njëjta.

Një dozë e  AstraZeneca e ndjekur nga Pfizer prodhoi përgjigjet më të mira të qelizave T, dhe gjithashtu një përgjigje më të lartë të antitrupave sesa Pfizer e ndjekur nga AstraZeneca.

Rezultatet ishin për kombinimet e vaksinave të dhëna në interval katër javë për 830 pjesëmarrës. Com-COV po teston po ashtu doza të përziera në një interval 12-javor, dhe eksperti vuri në dukje se doza e AstraZeneca ishte e njohur për të prodhuar një përgjigje më të mirë imune me një interval më të gjatë kohor midis dozave.

LEXONI GJITHASHTU:

• Ministrja Manastirliu lajmëron ardhjen e rreth 14 mijë doza Pfizer në Tiranë
• BE miraton vaksinën “Pfizer” për përdorim te fëmijët e moshës 12-15 vjeç
• Angela Merkel vaksinohet me Moderna, pas dozës së parë AstraZeneca