Gjendet një trup i dekompozuar në zonën malore mes Tiranës dhe Elbasanit, dyshohet të jetë i Eglant Koçit
Një trup i dekompozuar është gjetur këtë të enjte në zonën malore mes Tiranës dhe Elbasanit, në Ibë. Dyshohet se trupi është i të riut, Eglant Koçi i zhdukur prej 4 qershorit. Konstatimi i trupit mësohet se është bërë përmes dronit të policisë.
Verifikimet e mëtejshme do të tregojnë nëse bëhet fjalë për 34-vjeçarin i cili dyshohet se u ekzekutua nga shoku i tij, Armand Shaka.
“Në territorin e fshatit Cerrujë, lagjia Domush, është gjetur në proces dekompozimi, një trup njeriu i seksit mashkull. Shërbimet e Policisë dhe grupi hetimor, në drejtimin e Prokurorisë, vijojnë hetimet dhe verifikimet me qëllim identifikimin e shtetasit, si dhe zbardhjen e rrethanave të tjera të rastit”, njofton policia.
Dyshimet e deritanishme të hetuesve të Krimeve të Rënda në Policinë e Tiranës lidhen me një sasi parash digjitale që 34-vjeçari posedonte në aparatin e tij celular.
Kjo pistë po konsiderohet si një nga motivet kryesore që mund të ketë çuar në rrëmbimin e tij. Sipas Policisë, si autor i dyshuar i rrëmbimit është Armand Shaka, 41 vjeç, i cili dyshohet se ka mbajtur peng Eglant Koçin. Hetuesit po përpiqen të zbardhin nëse ai ka vepruar i vetëm apo me urdhër të personave të tjerë.
Nga veprimet hetimore është bërë e mundur gjetja e motomjetit të 34-vjeçarit, si dhe identifikimi i ambientit ku ai dyshohet se ka hyrë për herë të fundit. Sipas provave të mbledhura deri tani, nga ky ambient ka dalë vetëm autori i dyshuar, i cili mendohet se mund ta ketë transportuar më pas 34-vjeçarin me automjet.
Kontrolle të shumta janë ushtruar në ambientin ku dyshohet se është mbajtur peng i riu, si dhe në zona të tjera.
Në kuadër të hetimeve është arrestuar edhe Enea Zyferi, 25 vjeç, i dyshuar për veprën penale “Përkrahja e autorit të krimit”, pasi dyshohet se ka ndihmuar Armand Shakën pas ngjarjes.
Ndërkohë, automjeti me të cilin dyshohet se është transportuar Eglant Koçi është gjetur dhe sekuestruar si provë materiale.
Bajrat kallëzojnë deputeten Marjana Koçeku në SPAK
Penguan qarkullimin e mjeteve gjatë zhvillimit të protestës së 18-të në Tiranë, procedohen penalisht 23 persona
Kanosi taksistin dhe i vodhi paratë, shoqërohet në polici autori
- 17:33 Rama mbledh Grupin Parlamentar të PS në mbledhje të zgjeruar, Euronews Albania zbulon detajet
- 17:25 Vedat Muriqi udhëton drejt Stambollit, Fenerbahce jep njoftimin e rëndësishëm: Do përmbyllim transferimin
- 17:19 Hegseth paralajmëron NATO-n: SHBA-të do të rishikojnë praninë e tyre ushtarake në Evropë brenda 6 muajve
- 17:12 Vodhi minibusin dhe tentoi të arratisej, autori në Turqi aksidentohet për vdekje pak minuta më pas (VIDEO)
- 17:00 Tuchel ‘ankohet’ te FIFA-s për fotografët: Prishën momentin, nuk mund të shihja asnjë lojtar gjatë himnit kombëtar
- 16:48 Izraeli zotohet se nuk do të tërhiqet nga Libani, teksa vendet përgatiten për një raund të ri bisedimesh