Vetëm pak orë pas marrëveshjes me Hezbollahun, ushtria izraelite bombardon Libanin jugor. Raportohen 5 viktima

Të paktën pesë persona u vranë mëngjesin e kësaj të shtune në sulmet ajrore izraelite dhe sulmet me dronë në Libanin jugor, njoftoi media shtetërore libaneze, vetëm disa orë pasi hyri në fuqi një armëpushim midis Izraelit dhe lëvizjes shiite libaneze të mbështetur nga Irani, Hezbollah.

Agjencia shtetërore e lajmeve NNA raportoi se avionët dhe dronët ushtarakë izraelitë kryen një seri sulmesh në zonën e Nabatiyas gjatë natës dhe në orët e para të mëngjesit të sotëm, duke shkatërruar ndërtesa banimi dhe shtëpi, ndërsa artileria izraelite bombardoi Nabatiyan dhe rrethinat e saj para agimit.

Izraeli dhe Hezbollahu ranë dakord për një armëpushim të premten pas një përshkallëzimi të armiqësive në Liban, sipas një zyrtari amerikan.

Një zyrtar i lartë izraelit dhe dy burime nga Hezbollahu konfirmuan marrëveshjen. Zyrtari amerikan tha se armëpushimi do të hyjë në fuqi në orën 16:00 të premten sipas orës vendase.