RENEA teston reagimin në rast pengmarrjeje në qendër tregtare (VIDEO)

Ministria e Brendshme ka publikuar në X një video që tregon zhvillimin e një simulimi të një rasti pengmarrjeje në një qendër tregtare, ku forcat speciale RENEA ndërhyjnë për neutralizimin e situatës.

Në skenarin e ushtrimit, shihet reagimi i shpejtë dhe profesional i njësisë elitë të Policisë së Shtetit, RENEA, e cila arrin të vendosë nën kontroll “kërcënimin” dhe të sigurojë ambientin.

Edhe pse bëhet fjalë për një stërvitje të planifikuar, ajo synon të demonstrojë nivelin e gatishmërisë dhe aftësisë operacionale të forcave speciale në përballimin e situatave të rrezikshme në mjedise publike, thuhet në postimin e MB.

Kjo video tregon simulimin e një rasti pengmarrjeje në një qendër tregtare dhe neutralizimin me sukses të kërcënimit nga RENEA, njësia elitë e Policisë së Shtetit. Rasti është simulim, por gatishmëria është më se reale. pic.twitter.com/9gJ5vf23tL

— Ministria e Punëve të Brendshme (@PuneteBrendshme) July 1, 2026