Arrestimi i kryebashkiakut të Lushnjës, Basha: Mund të jetë një fillim i mbarë

Për arrestimin e kreut të Bashkisë së Lushnjës, nuk ka munguar edhe një reagim nga kryedemokati Lulzim Basha.

Ky i fundit, në një postim në Twitter, shprehet se arrestimi i Tushës erdhi pas denoncimeve të PD-së dhe se ky mund të jetë një fillim i mbarë.

“Arrestimi i Fatos Tushës pas denoncimeve shumëvjeçare nga PD të bashkëpunimit të tij korruptiv me krimin e organizuar, mund të jetë një fillim i mbarë. Por, kjo do të varet nga aftësia, kuraja dhe pavarësia e drejtësisë për të goditur lidhjet e pushtetit me krimin, lidhjet e Hakmarrjes për Drejtësi me Tushen, Braçen dhe vetë Ramën, dhe përfitimet e tyre të ndërsjella në vite të gjata bashkëpunimi”, shprehet Basha.

Kryetari i Bashkisë së Lushnjës, Fatos Tushe u arrestua mëngjesin e sotëm, pasi akuzohet për “shpërdorim detyre në bashkëpunim”. Bashkë më të ranë në pranga edhe 10 ish-zyrtarë dhe zyrtarë.

Ndërkohë, GJKKO ka caktuar masën e sigurisë “arrest me burg” për kryebashkiakun Tushe dhe 6 persona të tjerë.

Ndërsa, për 4 të arrestuarit e tjerë është dhënë masa e sigurisë “arrest shtëpie”.

LEXONI GJITHASHTU:

• Arrestohet kryetari i Bashkisë së Lushnjës, Fatos Tushe
• “Të korruptuarit në burg, sado të pushtetshëm”, ambasadorja Kim mesazh të fortë pas arrestimit të kryebashkiakut të Lushnjës
• Gazetari Kikia e cilëson arrestimin e kryebashkiakut të Lushnjës si një hap të rëndësishëm të SPAK