Beteja me flakët vazhdon, ushtria e zjarrfikësit në terren, pushuesit shijojnë të qetë bregdetin

Prej ditësh zjarret po përparojnë në jug të vendit, në qarkun e Vlorës në Dukat e Karaburun.

Me gjithë përpjekjet e zjarrfikëseve e ushtrisë, flakët nuk janë shuar ende, ndërsa një panoramë krejt tjetër shihet në bregdet, aty ku pushuesit shijojnë detin dhe diellin e nxehtë.

Në Dukat flakët janë vetëm 50 metra larg shtëpive, banorët shprehen të rrezikuar për jetën e tyre, por edhe për pasurinë që e kanë ndërtuar për disa vite.

Larg Dukatit situata duket ndryshe, edhe pse flaket që kanë përfshirë dhe Karaburunin dallohen sapo futesh në qytetin e Vlorës.

Plazhi vazhdon normalisht për qytetarët e Vlorës, për të cilët flakët nuk duket se përbëjnë shqetësim.

Prej disa ditësh, mijëra hektarë tokë janë djegur nga zjarret, të favorizuar nga temperaturat e larta, erërat dhe terreni i vështirë.

LEXONI GJITHASHTU:

• Shënohet viktima e parë nga zjarret, evakuohen 3 fshatra në Gjirokastër
• Peleshi: Zjarret janë të qëllimshme, i kemi denoncuar në polici
• Qeveria angazhon dy helikopterë të tjerë për shuarjen e zjarreve në Karaburun
• Parku i Llogarasë në rrezik nga zjarri, Shqipëria u kërkon ndihmë strukturave ndërkombëtare