Ambasadorja Kim: Ekspertë amerikanë për të mbështetur FA në luftën me zjarret

Ekspertë amerikanë kanë mbërritur gjatë fundjavës në Shqipëri për të ndihmuar Forcat e Armatosura në luftën me zjarret.

Ambasadorja amerikane, Yuri Kim, përmes një postimi në Twitter shprehu keqardhjen për shkatërrimin nga zjarri në jug të vendit, ndërsa theksoi se pajisjet e dhuruara më herët nga ushtria amerikane po përdoren tani për të mbrojtur shtëpitë dhe jetët e shqiptarëve.

“Pajisjet e dhuruara më parë nga ushtria amerikane, përfshirë kova për helikopterë, kostume zjarrfikëse, sëpata, lopata, pajisje mbrojtëse personale etj., po përdoret tani për të mbrojtur jetën, shtëpitë dhe bizneset shqiptare”, shkruan ambasadorja.

Situata nga zjarret paraqitet e rëndë në Shqipëri, teksa në ndihmë të FA për shuarjen e flakëve janë vënë prej së shtunës helikopterë nga Holanda dhe Çekia.

Me ndihmën e helikopterit “Chinook”, që mund të lëshojnë deri në 10 mijë litra ujë dhe që fluturon në vende të vështira, janë eliminuar vatrat në Dukat dhe Gjirin e Gramës.

Ndërkohë, puna për izolimin e plotë të flakëve në të gjithë sipërfaqen e prekur në Gadishullin e Karaburunit.

LEXONI GJITHASHTU:

• Helikopterët nga Holanda dhe Çekia eliminojnë vatrat e zjarrit në Vlorë e Fier
• Përkeqësohet situata nga zjarri në Dukat, flakët përhapen gjatë natës duke rrezikuar banesat