30-vjetori i eksodit të shqiptarëve, Meta: Shpopullimi, drama më e madhe që po ndodh edhe sot

Mbi 20 mijë shqiptarë, hipën në 8 gusht 1991 në bordin e anijes së mallrave “Vlora”. Ngarkesa e anijes duhet të ishin tonelata sheqer, por në vend të saj, në portin e Barit në Itali zbarkuan mijëra shqiptarët e drobitur nga udhëtimi, pa asnjë siguri, disa me fëmije të vegjël në krah dhe ëndrrat për një jetë ndryshe.

45 vite rresht Shqipëria ishte e mbyllur brenda kufijve të saj. Ndaj kapërcimi i brigjeve të Adriatikut shënoi eksodin e parë të madh popullatës, i cili do të pasohej nga disa gjatë viteve të pluralizmit.

Eksodi u përkujtua nga disa politikanë këtë të diel, mes tyre edhe kreu i shtetit Ilir Meta, i cili e konsideroi shpopullimin si “dramën më të madhe, që po i ndodh vendit”.