60-vjeçari udhëton nga Tirana në Kalimash për fikjen e zjarreve

Ka udhëtuar nga Tirana për të ndihmuar vullnetarisht në fikjen e zjarrit në Kalimash. Ky është Selim Shehu, 60-vjeçari me origjinë nga Kukësi.

“U vetëofrova se më erdhi shumë keq. Çdo ditë isha në ankth, kam qenë i gatshëm për të shkuar edhe në Vlorë në Dukat. Zemra si kuksian më djeg kur shikoj që digjet Shqipëria”, tha qytetari.

Hyrjet dhe daljet në tunelin e Kalimashit ofrojnë dy pamje krejt të ndryshme. Një natë më parë flakët për pak sa nuk dolën në rrugë.

Maja e Runës mësohet se prej tetë ditësh është e përfshirë nga flakët. Në ndihmë për shuarjen e vatrave aktive në këtë zonë, forcave shqiptare iu janë bashkuar 66 trupa dhe 9 mjete zjarrfikëse nga Kosova.

“Zjarri është larguar shumë nga tuneli. Vazhdon prej disa ditësh zjarri në majën e Runës, aty sot kemi marrë edhe një kontribut shtesë nga forcat e Kosovës. Shumë e rëndësishme do jetë mbështetja e tyre sot”, tha ministri Peleshi.

Terreni i pjerrët dhe shkëmbor sipas Ministrisë së Mbrojtjes po ndërlikon punën e forcave nga toka, megjithatë raportohet se nuk ka rrezik për banorët.

LEXONI GJITHASHTU: 

• Nga 8 vatra zjarresh në veri vetëm një nën kontroll
• 33 persona përgjegjës për zjarret në vend, thotë policia
• Tuneli i Kalimashit pa rrezik nga zjarret, vatrat në Thirrë dhe Majën e Runës nën kontroll