“Nëse them që e prisja, dukem mendjemadh”, Niko Peleshi mbetet tek Mbrojtja

Në një intervistë për Euronews Albania, ministri i Mbrojejtes Niko Peleshi tha se ishte mirënjohës për pozicionin e marrë në qeverinë Rama 3.

Peleshi tha se nuk do të donte të dukej si mendjemadhësi nëse thotë që “e priste” marrjen e detyrës por sidoqoftë pohoi se askush nuk është i pazëvendësueshëm dhe çdo koleg tjetër që do zgjidhej do e bënte detyrën më së miri.

“Kryeministri Rama është dhe njeri i surprizave dhe unë mendoj se kishte disa surpriza pozitive në gjithë formësimin e qeverisë së re, sekretariatit të ri, të akademisë politike, të kryesisë së re të partisë. Surpriza në kuptimin e një vizioni dhe vullneti për ta ngjitur gjithë organizimin tonë politik në një nivel tjetër, me sytë nga e ardhmja jo thjesht nga e tashmja dhe nga e shkuara,” – u shpreh Peleshi.

Ministri i Mbrojtjes deklaroi se ka shumë për të dhënë në sektorin ku punon dhe si vend anëtar i NATO-s kemi shumë sfida përpara.

Sipas tij është detyrim ndaj votuesve kryerja e detyrës me përgjegjësi dhe përmendi gjithashtu se do i kushtojë rëndësi të veçantë qarkut të Korçës ku është zgjedhur si deputet.

LEXONI GJITHASHTU:

• Kush janë ministrat e rinj në qeverinë Rama 3
• Lindita Nikolla thotë se ishte surprizë emërimi si kryetare e Kuvendit
• “I kënaqur”, Çuçi komenton vendimin e Ramës për rikonfimimin si ministër i Brendshëm