Largimi i disa deputetëve nga PD mund të bashkojë partinë, thotë studiuesja

Mund të sjellë kompaktësi brenda partisë largimi nga PD-ja i deputetëve demokratë që nuk ranë dakord me vendimin e Bashës për të përjashtuar Berishën nga grupi parlamentar. Kështu u shpreh në emisionin “Barometri” Blerjana Bino, pjesë e qendrës “Shkencë dhe Inovacion për Zhvillim”.

Blerjana Bino tha se kohët ë fundit është folur shumë rreth konflikteve të brendshme të PD-së, konflikte të cilat do të shmangen, sipas saj, nëse mbesin në parti vetëm deputetët që e mbështesin PD-në.

“Ndoshta tani është momenti që t’i shtrëngojë më shumë radhët, të ketë më shumë kompaktësi, ka marrë vendim të qartë politik”, u shpreh Blerjana Bino, e cila tha se vendimi i z. Basha mund të jetë një mundësi e mirë për Partinë Demokratike.

Sipas Blerjana Binos, liderët duhet të jenë të zëvendësueshëm dhe ta bëjnë veten të zëvendësueshëm.

LEXONI GJITHASHTU:

• Gazetarja paralajmëron “luftë” brenda PD: Do të ketë krizë