A del Berisha nga “arresti i shtëpisë” pas vendimit të Kushtetuese? E sqaron Manjani

Juristi Ylli Manjani ishte këtë të enjte i ftuar në “Now me Erla Mëhillin” ku ka komentuar vendimin e marrë nga Gjykata Kushtetuese lidhur me ankimimin e ish-kryeministrit Sali Berisha.

Gjykata vendosi ta pranojë pjesërisht kërkesën e Berishës duke shfuqizuar vendimin e GJKKO për masën “ndalim i daljes jashtë vendit”.

I pyetur nëse ky vendim i Kushtetueses do e nxjerrë Berishën nga “arresti i shtëpisë”, Manjani u përgjigj se kjo nuk mund të ndodh tani, pasi sipas juristit duhet që GJKKO të kryejë një gjykim të ri

“Nuk del nga arresti. Duhet të ketë një gjykim të ri në GJKKO për të gjykuar edhe njëherë tërësinë e masave nën dritën e vendimit të Gjykatës Kushtetuese. Edhe atje mundtë jetë një gjykimi ngushtë, te pasaporta ose jo, ose mundtë zgjerohet në varësi të logjikës propocionale dhe nevojshmërisë. A është vërtet e nevojshme një masë e tillë apo jo”,-tha Manjani.

LEXONI GJITHASHTU:

• Berisha pas vendimit të Kushtetueses: Turp i paralajmëruar, do shkojmë në Strasburg
• Berisha: CDI miraton rezolutën e PD, nevojë për një sistem drejtësie të paanshëm