A do anulohet mbledhja e qeverive? Rama konferencë urgjente për mediat

Mbledhja mes dy qeverive, të Kosovës dhe të Shqipërisë, e planifikuar për të mërkurën e 14 qershorit në Gjakovë, u duk se do anulohej. Por pas një komunikimi të Euronews Albania me qeverinë e Kosovës, zëdhenësi Përparim Kryeziu tha:

“Mbledhja nuk është anuluar. Gjithçka është gati në Gjakovë. Kryeministri Kurti tani po merr pjesë në koncertin e sontëm atje të Ansamblit Shota dhe muzikantëve nga Kosova nga Shqipëria që është edhe uvertyrë për mbledhjen e nesërme”.

Nga ana tjetër burime pranë kryeministrisë shqiptare thanë se ky takim edhe mund të anulohej.

Megjithatë ende nuk dihet me siguri nëse ky takim, që do të ishte dhe takimi i parë i kryeministrave Albin Kurti dhe Edi Rama pas propozimit të këtij të fundit të një drafti për Asociacionin e komunave me shumicë serbe në Kosovë, do të zhvillohet.

Nga ana tjetër kryeministri Rama ka njoftuar një konferencë urgjente për mediat në orën 19:30 të pasdites së kësaj të marte.

LEXONI GJITHASHTU:

• “Brohorima kundër Vuçiçit dhe Listës Serbe në veri”, Rexha: I akuzojnë për tradhti
• BE për planin e Kurtit: Nuk kemi parë hapa vendimtarë dhe të menjëhershëm