A do hetohen Berisha dhe Rama për 21 janarin? Analisti bën deklaratën e fortë

Analisti Bedri Islami deklaroi se nëse Prokuroria e Posaçme (SPAK) kërkon që të jetë e besueshme për çështjen e 21 janarit, fillimisht duhet të thërrasë organizatorët e saj, duke përfshirë kryeministrin aktual, Edi Rama, i cili asokohe ishte kryetari i opozitës.

Në një intervistë për Euronews Albania, Islami u shpreh se është gjithashtu e domosdoshme që të thirren, ish-kryeministri Sali Berisha, ish-ministri i Brendshëm, Lulzim Basha dhe ish-komandanti i Gardës, Ndrea Prendi.

“Unë mendoj se nëse SPAK-u duhet të kryejë detyrën e vet me paanësi, duhet ta marrë këtë çështje, shumë më tepër seriozisht se çdo çështje tjetër. Unë, personalisht, mendoj që nëse do të gjejë rrugën e zgjidhjes, SPAK-u që të jetë i besueshëm, duhet të thërrasë oerganizatorët e protestës. Edhe aktet e dhunës, pavarësisht se ka pasur dënime, janë 100 të dënuar, përsëri klasa politike në Shqipëri nuk duhet të niset me politikë fokloriste.

Duhet të thirren patjetër. Është e domosdoshme. Duhet të thirret kryeministri i kohës, ministri i Brendshëm, komandanti i Gardës, por duhet të thirret edhe Drejtori i Policisë. Ka shumë gjëra që duhen hetuar. Është një kompleks i gjerë i njerëzve që duhen hetuar. Duhen pyetur edhe deputetë të shumicës që kanë qenë në radhën e parë të protestës, për njerëzit që kanë thirrur, për organizimin, çfarë qëllimi kanë pasur. Të sqarohet çështja”, theksoi ai.

LEXONI GJITHASHTU

• Trondit analisti: 14 shtatori i vitit 1998, më i rëndë se 21 janari
• Nard Ndoka zbulon takimin me Aleks Nikën në 21 janar: E njoh edhe xhaxhain e tij
• “Duhen prokurorë trima”- Xhaxhai i Aleks Nikës: Çështja varroset, po nuk e mori SPAK