Trondit analisti: 14 shtatori i vitit 1998, më i rëndë se 21 janari

Analisti Bedri Islami e konsideron protestën e Partisë Demokratike në 14 shtator të vitit 1998, kohë kur ishte në opozitë, më të dhunshme dhe më të rëndë se ajo e zhvilluar nga Partia Socialiste në 21 janar 2011.

Në një intervistë për Euronews Albania, Islami u shpreh se asokohe, në protestë u përdor arkivoli i të ndjerit Azem Hajdari dhe protestuesit hynë brenda në Kryeministri, e më pas morën edhe godinat e ministrive.

Sipas tij, kjo detyroi kryeministrin e atëhershëm, Fatos Nano që të largohej nga vendi.

“Në Shqipëri, ne kemi një precedent që është shumë më i dhunshëm dhe i rrezikshëm se ajo që ndodhi në 21 janar. Kemi 14 shtatorin e vitit 1998. Në 14 shtator të vitit 1998, forcat e opozitës së sotme, që edhe në atë kohë ishte në opozitë, duke përdorur arkivolin e të ndjerit Hajdari, e sulmuan Kryeministrinë.

E sulmuan edhe me auto blinda, e sulmuan edhe me armë, e pushtuan atë, hynë brenda. E morën Kryeministrinë, e detyruan kryeministrin e kohës, Nano që të arratisej nga vendi. Morën ministritë. Pastaj, gjithçka u sqarua që nuk mund të merrej pushteti me dhunë”, theksoi ai.

LEXONI GJITHASHTU

• Nard Ndoka zbulon takimin me Aleks Nikën në 21 janar: E njoh edhe xhaxhain e tij
• “Duhen prokurorë trima”- Xhaxhai i Aleks Nikës: Çështja varroset, po nuk e mori SPAK
• Prokuroria vegël e Berishës, xhaxhai i Aleks Nikës: S’kemi shpresë për drejtësi