A do ketë shkarkim nga Rama, Murrizi: Lleshaj ruajti dinjitetin duke u dorëhequr

Ish-deputeti i Partisë Demokratike Myslim Murrizi tha në një intervistë për Euronews Albania se ngjarja e ndodhur disa ditë më parë me 7-vjeçaren në Himarë, bëhet edhe më tragjike për faktin se është kryer nga një funksionar i lartë i policisë.

Murrizi tha se nëse s’ka dorëheqje të 2 ministrave Çuçi dhe Kumbaro, sipas tij përgjegjës për ngjarjen, duhet të ketë shkarkim nga kryeministri.

Teksa komentoi dorëheqjen e ish-ministrit të Brendshëm Sandër Lleshaj pas vrasjes së Klodian Rashës nga një efektiv policie, Murrizi tha se Lleshaj ruajti dinjitetin duke u dorëhequr.

Sipas tij, fakti që Lleshaj nuk vinte nga politika, edhe pse ishte promovuar edhe në kohën e PD e bëri më të thjeshtë për të, të ruante dinjitetin duke u dorëhequr gjë të cilën sipas tij Rama nuk ua lejon ministrave të tij.

“Çuçi është plotësisht i varur politikisht. Rama nuk do që ministrat të marrin dinjitet duke u dorëhequr”, tha Murrizi.

LEXONI GJITHASHTU:

• Sot protesta e dytë për 7-vjeçaren, kërkohet dorëheqja e Çuçit dhe Kumbaros