A do krijojë Basha parti të re? Flet Gazment Bardhi

Deputeti i Partisë, Gazment Bardhi thotë se nëse arrihet një kompromis mes dy palëve në PD përgjegjësia duhet të mbahet nga të dyja palët.

Në emisionin Now në Euronews Albania, Bardhi u shpreh se dëshira për bashkëpunim është e sinqertë dhe nuk ka rëndësi nëse persona të caktuar brenda PD e duan apo jo njëri-tjetrin.

Bardhi deklaroi se nuk do të largohet asnjëherë nga PD, ndërsa theksoi se fjalët se Lulzim Basha do të krijojë një parti të re janë përhapur nga njerëz pranë Berishës.

“S’e përjashtoj që Basha të krijojë një parti, unë nuk largohen nga PD. Këtë e kam dëgjuar vetëm nga njerëz pranë Berishës. Unë se di që Basha të ketë këtë projekt. Unë di që PD më ka dhënë postin e sekretarit të partisë, kështu që nuk do të ndodhë që të largohem nga PD. Unë besoj që sot duhet të ndërtojmë një PD që u flet qytetarëve që duan ndryshimin, nëse u themi shqiptarëve që do heqim Ramën që të vëmë Berishën që mbrojnë të njëjtët oligarkë, nuk do na besojnë”, tha Bardhi.

LEXONI GJITHASHTU:

• Asimilimi i demokratëve? Bardhi flet për skemën që mund të bashkojë PD-në
• Bardhi sulmon Berishën: S’e njoh si kryetar, me të nuk mundet Rama