Presidenti i Shqipërisë Ilir Meta në studion e Ilva Now me gazetaren Ilva Tare u pyet nëse do ta shpërndajë parlamentin e Shqipërisë.

“S’jam votuar nga ky Kuvend dhe jam shumë i lumtur për këtë,” ishte reagimi i parë i kreut të shtetit.

“Situata në Parlament nuk është normale dhe kjo është përgjegjësi e dy palëve,” u përgjigj presidenti Meta.

“Edhe e mazhorancës që i ngushtoi opozitës hapësirat, por edhe opzozitës që zgjodhi rrugën e delegjitimimit të institucioneve,” shto ai.

[instagram_feed=B8exTW7IKRH]

Sipas Presidentit, Kuvendi po bën veprime ilegjitime që prej largimit të opozitës.

“Unë mendoj që ky Kuvend që bën veprime të tilla që po fton me shpejtësi të madhe delegjitimimin e të gjitha institucioneve, e vetmja punë e mirë që duhet të bëjë është të vetëshpërndahet,” tha z. Meta.

Presidenti vazhdoi më tej duke e cilësuar punën e parlamentit të shkëputur nga realiteti dhe që nuk ofron garanci për normalitet politik dhe institucional të vendit.

Gazetarja Tare e pyeti nëse kjo përgjigje nënkupton se kreu i shtetit ka vendosur të mos e shpërndajë parlamentin.

“Parlamenti jashtë standardeve të kushtetutës se duhet të kishte 140 deputetë. Zëvendësimi i deputëtëve ka ndodhur në mënyrë të paligjshme kur kodi ka procedura të qarta,” u përgjigj presidenti.

“Presidenca është kala për mbrojtjen e Kushtetutës, ndaj mazhorancës, opozitës, ndaj vagabondëve ndërkombëtarë që e dinë që kushtetuta e Shqipërisë që mund të përdhoset. Deri më 24 korrik të 22 është kala nuk afrohet njeri për kushtetutën,” shtoi ai.