A do të firmoset sot Asociacioni? Eksperti zbulon planin e takimit Kurti-Vuçiç

Eksperti i sigurisë Drizan Shala tha se në takimin që do të zhvillohet pasditen e kësaj të marte mes kryeministrit të Kosovës Albin Kurti dhe presidentit serb Aleksandër Vuçiç do arrihet  të dakordohet mbi terminologjinë e përgjithshme për të arritur një marrëveshje.

I ftuar në Euronews Albania Drizan Shala tha se si Kosova edhe Serbia nuk janë treguar të sinqertë me qytetarët dhe me politikën e brendshme, ai tha se udhëheqësit e dialogut kanë dorëzuar draft-statuse në lidhje me Asosacionin, që sipas tij, nuk kanë kaluar përmes Gjykatës Kushtetuese.

“Në takimin e  ditës së sotme, de facto palët do dakordohen  mbi terminologji të përgjithshme të ndodnjë marrëveshje eventuale. Edhe Kosova edhe Serbia nuk janë të sinqertë në raport me qytetarët dhe politikën e brendshme, pasi draft statusi që do u dorëzohet palëve është statusi final mes Kosovës dhe Serbisë sepse palët kanë dorëzuar draft-statuset e tyre më parë.

Nëse keni qenë koherentë me deklarimet si të palës serbe edhe të Kosovës, vetë udhëheqësit e dialogut, kanë dhënë kërkesa dhe mesazhe flitet për një status final të Asosacionit për komunat serbe.

Se si do mbetet për t’u parë, por ky status nuk do kalojë përmes Gjykatës Kushtetuese dhe ky është impakti i drejtpërdrejtë që do kemi cenim të rendit kushtetues të republikës së Kosovës për të krijuar një pushtet të tretë”, -tha Eksperti i sigurisë Drizan Shala.

LEXONI GJITHASHTU:

• “Arrestohet Boris Johnson”- Lajmi nga Hollanda që “shqetësoi” britanikët
• Kurti e Vuçiç takohen sot në Bruksel, çfarë pritet të disktutohet