A do të paraburgoset kryeministri? Prokuroria Speciale kërkon dëshminë e Kurtit

Prokuroria Speciale e Republikës së Kosovës (PSRK) ka dorëzuar në Gjykatën Themelore në Prishtinë një kërkesë për paraqitjen e kryeministrit Albin Kurti si dëshmitar në lidhje me rastin e rezervave shtetërore.

Nëse Gjykata aprovon këtë kërkesë, Kurti do të duhet të japë dëshminë e tij vullnetarisht.

Në të kundërtën, ai mund të përballet me masa ligjore, përfshirë gjobë ose, në rast të mosbindjes së mëtejshme, edhe paraburgim.

Gjykata ka konfirmuar se është duke shqyrtuar kërkesën, ndërsa PSRK ende nuk ka dhënë një deklaratë të plotë mbi këtë zhvillim.

“Konfirmojmë se Gjykata Themelore në Prishtinë – Departamenti Special ka pranuar kërkesën në fjalë nga Prokuroria Speciale e Republikës së Kosovës, e njëjta është duke u shqyrtuar nga gjykata“, thuhet në përgjigjen e Gjykatës.

Vendimi i Gjykatës pritet të merret në javën e parë të marsit, pas së cilës do të ndërmerren hapat procedurale të mëtejshëm.

Nëse Kurti nuk zbaton vendimin e Gjykatës, ai urdhër i dërgohet policisë, atëherë Policia e merr dhe e ekzekuton vendimin.

LEXONI GJITHASHTU:

• “Hajnat do të përfundojnë pas hekurave“, Albin Kurti: Do t’ua sekuestrojmë pasurinë
• “Albin Kurti Baba!” Aktivistë e LVV nisin festën me thirrje dhe flamuj në Prishtinë