A do t’i refuzojë Kurti liderët e BE? Eksperti tregon çfarë do të ndodhë në Bruksel

Zëdhënësi i BE-së, Peter Stano, ka konfirmuar se blloku ka ftuar në Bruksel të enjten, më 26 tetor, kryeministrin e Kosovës, Albin Kurti, dhe presidentin e Serbisë, Aleksandër Vuçiç, kur do të mbahet samiti i BE-së.

Deri tani nuk ka asnjë konfirmim nga Albin Kurti se do të jetë pjesë e këtij takimi.

Drejtori ekzekutiv në institutin për studime evropiane dhe globale, Jeton Halimi tha në një intervistë për Euronews Albania se me shumë gjasa Kurti do të jetë pjesë e takimit me Vuçiç në Bruksel, por ai parapëlqen ta mbajë diskret protokollin e tij.

“Nuk ma merr mendja se Kurti nuk do të shkojë në Bruksel, ka qenë dje në Athinë dhe ka premtuar se do të zbatojë të gjitha marrëveshjet e Kosovës, por ai e mban të mbyllur protokollin. Vrasja e policit të Kosovës që është një gjë shumë e rëndë, të gjitha trazirat vijë për shkak të kryeneçësisë së Kurtit me SHBA dhe BE”, tha ai.

LEXONI GJITHASHTU:

• Kurti para takimit në Bruksel: S’ka dialog pa u sanksionuar Serbia
• Kurti dhe Vuçiç ftohen në Bruksel/ BE: Propozim modern evropian për Asociacionin