A e penalizoi Meta në garën për bashkinë? Përgjigjet Belind Këlliçi

Ish-kandidati i koalicionit “Bashkë Fitojmë” për kryebashkiak i Tiranës, Belind Këlliçi tha në një intervistë për Euronews Albania se vendimi i KQZ për të vendosur emrin e Ilir Metës në krye të koalicionit ishte vendim politik.

Kjo, sipas Këlliçit u bë me qëllim për të krijuar konfuzion dhe perceptim të gabuar tek zgjedhësit e djathtë.

“Është rasti i parë kur koalicioni me 4 parti dërguan me shkrim një kërkesë për të regjistruar lider Sali Berishën dhe është hera e parë kur KQZ e vendosi kush ishte lideri i koalicioni, një urdhër politik. Kjo për të krijuar këtë perceptim tek zgjedhësit. Modeli që unë kisha përballë i përket politikës së vjetër, Rama ka në pushtet që kur unë isha 11 vjeç, kështu që është një nga njerëzit që ka konsumuar më shumë pushtet. Kështu që ky nuk ka qenë ndonjë problem i madh nisur nga modeli që kisha përballë”, tha Këlliçi.

LEXONI GJITHASHTU:

• “Duhet folur për parregullsitë në zgjedhje”, Këlliçi: Tiranën nuk e humba, e vodhën
• Balliu: Spiropali shpif! Banorët e Unazës nuk votuan Veliajn, por Këlliçin